ذكاء اصطناعي مجاني 💸

عندك ماك بمعالجات آبل؟ تعال بأعلمك كيف تشغّل عليه ذكاء اصطناعي محلي، وبعدها تحوّله إلى « وكيل » يرتبط بتطبيقاتك. وحتى لو طلعت من البيت، تقدر تكلمه من تيليقرام.

📥 أول شي ، حمّل هذي البرامج

البرنامج	وش يسوي؟	التحميل
LM Studio	تحمّل منه النموذج وتشغّله على جهازك	تحميل LM Studio
AnythingLLM	ترتّب محادثاتك وملفاتك، وتستخدم النموذج كوكيل عنده أدوات	تحميل AnythingLLM

الأفضل تبدأ برام 16 قيقا أو أكثر. لأنك بتحتاج مساحة في الرام للنموذج، وسياق المحادثة، والبرامج الثانية.

📱 اختر النموذج اللي يناسب جهازك

افتح « LM Studio » ، ومن البحث دور على النموذج اللي تبغاه. تقدر تبدأ بأحد نماذج Qwen، لكن انتبه للنسخة والحجم والقدرات الاسم لحاله ما يكفي.

بتلقى صيغ مثل MLX وGGUF. على ماك بمعالجات آبل، MLX خيار مناسب تبدأ فيه، وGGUF يشتغل برضه إذا النموذج اللي تحتاجه متوفر بهالصيغة.

مقطع

ركّز على ان النموذج يكون Tool Use، يعني النموذج يقدر يستدعي أدوات. وإذا بتعطيه صور، تحتاج Vision. أما Reasoning فهو التفكير، ومب شرط تحتاجه في كل مهمة.

بعد ما يخلص التنزيل، اضغط Load.

⚙️ ضبط الإعدادات

من القائمة على اليسار، افتح Developer، ثم Local Server. إذا مالقيت النموذج هنا اضغط Load Model واختره.

في إعدادات تحميل النموذج بتحصل Context Length.
وهذا حجم السياق اللي يقدر يستوعبه في المرة الواحدة، ويشمل التعليمات والمحادثة والمحتوى المرسل له.

القياس هنا « بالتوكن » تقدر تبدأ بـ 16K إذا جهازك والنموذج يتحملون. إذا صار ثقيل، نزّله إلى 8K أو أقل. رفع السياق يستهلك رام أكثر، فما يحتاج ترفعه لأقصى شيء من البداية.

وإذا النموذج يدعم التفكير، جرّب تفعّله وقت المهام اللي تحتاجها لكن بيطوّل وقت الرد.

بعدها شغّل Start Server، وتأكد إن الحالة صارت Running. هذي الخطوة اللي تسمح لـAnythingLLM يتصل بالنموذج.

العنوان الافتراضي غالبًا:

http://127.0.0.1:1234

إذا ظهر عندك عنوان مختلف، استخدم اللي يعرضه البرنامج.

🔗 اربط النموذج بـAnythingLLM

بكذا خلصنا من إعدادات التطبيق الأول، الي حمّلنا من خلاله النموذج وشغّلناه وبتقدر تستعمله كمحادثة عادية. لكن كيف نحول هذا النموذج إلى «وكيل» قادر على تنفيذ مهام إضافية؟

افتح AnythingLLM « التطبيق الثاني » ، ومن إعدادات التطبيق اختر LM Studio كمزوّد للنموذج. بعدين اختر نموذج المحادثة الذي حملته.

بعدها سوّ مساحة عمل. تقدر مثلًا تخلي وحدة للمذاكرة، ووحدة للبحث، ووحدة للبرمجة كل مساحة لها محادثاتها، وتقدر تخصّص تعليماتها وإعداداتها.

من إعدادات مساحة العمل، افتح Chat Settings، واختر LM Studio والنموذج المطلوب، ثم اضغط Update Workspace.

وبتحصل إعداد « وTemperature». كل ما رفعته يزيد ابداع النموذج والتنوع في الرد. لكن لا يعني انه بيصير أذكى ولاحتى لو قللته يضمن إنه ما يغلط. خله على الافتراضي بالبداية، وعدّله حسب النتيجة لأن النتيجة تختلف من نموذج الى نموذج.

🛠️ كيف تستخدمه ؟

من الإعدادت تأكد إن موفّر الوكيل ونموذجه يستخدمون النموذج الي حملته بعدين افتح « مهارات الوكيل – Agent Skills » وفعّل المهارات اللي تحتاجها، مثل البحث والتصفح والتعامل مع المستندات.

داخل مساحة العمل تقدر ترسله له ويشتغل لكن بعض النماذج تحتاج تكتب :

@agent

قبل الأمر مثلا:

@agent لخّص المستندات الموجودة في مساحة العمل، وطلع لي أهم النقاط والأشياء اللي تحتاج متابعة.

📋 كيف تخليه يصير أذكى ؟

اكتب هذي التعليمات في خانة تعليمات النظام من الإعدادات:

رد علي بالعربي وبلهجة سعودية واضحة، وخلك مباشر ومرتب.

إذا طلبت معلومة من حساباتي أو ملفاتي، استخدم الأداة المناسبة
وتأكد من النتيجة. لا تعتمد على التخمين، ولا تقول إنك قرأت
ملفًا أو نفذت مهمة إلا إذا الأداة أكدت لك.

إذا كانت المعلومة ناقصة، اسأل عن الشيء الضروري فقط.
وإذا الأداة ما اشتغلت أو ما عندك صلاحية، وضح لي وش اللي منعك.

قبل ما ترسل رسالة، أو تحذف ملفًا، أو تعدّل بيانات في خدمة
مرتبطة، تأكد إن طلبي يسمح لك بهالخطوة.
وإذا طلبت منك مسودة، جهزها لي بدون إرسال.

إذا المهمة فيها أكثر من خطوة، نفذها بالترتيب، ثم عطِني
النتيجة باختصار ووضح أي جزء ما قدرت تكمله.

🔗 اربطه بتطبيقاتك عن طريق Composio

الحين نجي للجزء اللي يعطي الوكيل وصولًا للخدمات اللي تستخدمها، مثل نوشن والإيميل.

بنستخدم Composio، والربط مع AnythingLLM بيكون عن طريق MCP. ببساطة، هذي طريقة تخلي تطبيق الذكاء الاصطناعي يتصل بأدوات وخدمات ثانية.

سجّل في Composio، ومن قسم For You / Connect افتح الإعدادات، ثم Sessions and API Keys، وانسخ المفتاح.

ارجع إلى AnythingLLM ومن الإعدادات افتح « مهارات الوكيل – Agent Skills »، ثم قسم MCP. من علامة الإعدادات افتح ملف إعداد الخوادم:

anythingllm_mcp_servers.json

اكتب هذا الكود داخل الملف

كود الربط

بدّل عبارة اكتب مفتاحك هنا بمفتاحك:

{
  "mcpServers": {
    "composio": {
      "type": "streamable",
      "url": "https://connect.composio.dev/mcp",
      "headers": {
        "x-consumer-api-key": "اكتب مفتاحك هنا"
      },
      "anythingllm": {
        "suppressedTools": [
          "COMPOSIO_MANAGE_SKILL",
          "COMPOSIO_SEARCH_SKILLS",
          "COMPOSIO_USE_SKILL"
        ]
      }
    }
  }
}

احفظ الملف، ثم اضغط Refresh في قسم MCP، وتأكد إن Composio اشتغل وظهرت أدواته.

بعدها ارجع إلى Composio، وافتح Connect Apps، واربط التطبيقات اللي تحتاجها.

جرّب يكون الأمر الي تكتبه واضح ومفهوم:

ابحث في نوشن عن صفحة «أفكار المحتوى»، ولخّص لي الأفكار اللي ما اشتغلنا عليها.

أو:

ابحث في الإيميل عن رسائل اليوم من فلان، ولخّص المطلوب مني بدون ما ترسل أي رد.

💬 كيف تكلمه من تيليقرام

تقدر تستخدم الوكيل من جوالك، بس الماك والبرنامج لازم يبقون شغالين.

1. في AnythingLLM افتح الإعدادات، ثم « القنوات – Channels » ، ثم Telegram.
2. افتح BotFather الرسمي، وأرسل /newbot.
3. اختر اسم للبوت، واسم مستخدم ينتهي بـbot.
4. انسخ الـToken اللي بيعطيك.
5. ارجع إلى AnythingLLM، الصقه في الخانة المناسبة، بعدين اضغط Connect Bot.
6. افتح بوتك في تليقرام واضغط Start بيطلع لك رمز ربط.
7. من قسم Users في AnythingLLM، طابق الرمز ووافق على طلبك.

بعدها ابدأ تكلمه. وهذي أوامر مفيدة:

الأمر	وش يسوي؟
/switch	يغيّر مساحة العمل أو المحادثة
/new	يبدأ محادثة جديدة
/status	يعرض مساحة العمل والنموذج الحالي
/help	يعرض الأوامر المتاحة

🔍 إذا علّق معك، شيّك على هذي الأشياء

المشكلة	وش تراجع؟
النموذج ما يظهر في AnythingLLM	تأكد إنه محمّل في LM Studio، والخادم حالته Running، والعنوان صحيح
الجهاز ثقيل أو الرد بطيء	جرّب نموذجًا أصغر، وقلّل Context Length
يرد بالكلام بدون استخدام أدوات	راجع وضع Agent، والمهارات المفعّلة، ودعم النموذج للأدوات، وجرّب @agent
Composio ما يتصل	راجع نوع المفتاح، وتنسيق JSON، ثم اضغط Refresh وشوف رسالة الخطأ
بوت تليقرام ما يرد	راجع الموافقة على رمز الربط، وتشغيل الماك والبرامج والإنترنت